Bond Girl Tanya Roberts a thi

James Bond film kum 1985-a tihchhuah 'A View to a Kill' a Bond Girl Tanya Roberts chu kum 65 mi niin Pathianni khan a thi.

Tanya Roberts hi Krismas urlawk niah khan a ui kaiin a leng chhuak a, hetah hian tlu sualin Cedar-Sinar Hospital, Los Angeles-ah admit a ni a, a thih thu hi a ṭhian hnai tak Mike Pingel chuan Pathiannni khan a sawi a ni. Covid-19 kaihhnawiha thi a nih loh thu sawiin, a thih chhan tak erawh chiang takin a sawi lo.

Victoria Leigh Blum, Tanya Roberts tia hriat lar hi James Bond film  A View to a Kill-a Stacey Sutton lema a chan avang khan a lar hle a, TV show  That '70s Show-a  Midge Pinciotti lema a chan vang pawhin hriat a hlawh hle.

Lemchan piah lamah hian modeling lamah pawh sulhnu a nei ṭha hle a,  ABC 'Charlie's Angels'-ah pawh khan inlanin season tawp lamah khan Julie Rogers lemah a chang a ni. Film 18 velah chang hmanin heng a film channa eng emaw zat hi chu a hunlaia lar tak tak a ni hlawm a, TV show-ah pawh eng emaw zatah a inlan bawk.

Kum 1974 khan Barry Roberts nen inneiin a pasal hi kum 2006 khan a thi tawh bawk a, fa erawh an nei lo a ni.