Fan-te duh ber GUNNA 'The Last Wun'

Billboard-in kar hmasa chhunga rimawi chhuak thar zinga fan-te duh ber thlanna poll a siam "Favorite New Music" ah GUNNA studio album parukna "The Last Wun" chuan vote a hmu sang ber. GUNNA hian rimawi chhuak thar hrang hrang zingah MGK, Laufey, Jonas Brothers leh Ethel Cain-te a khum vek a, vote tla 57% a hmu pha.

GUNNA album-ah hian track 25 awmin single a tih chhuah pahnih "Won't Stop" leh "Him All Along" pawh dah tel a ni. Album-ah hian Offset, Wizkid, Asake, Burna Boy, leh Nechie-te a thawhpui bawk. Fan-te chuan album hi GUNNA-in YSL Records hnuaia album a tih chhuah hnuhnung ber a nih an ring.

MGK album "Lost Americana" chu poll-ah hian pahnihnaah awmin vote 13% a hmu a, pathumnaah hian poll a dah tel loh duh zawk neite tan "Other" awmin vote 8.98% a hmu pha. Palinaah hian Laufey album "Snow White" chuan vote 7.93% a hmu a, Jonas Brothers album thar "Greetings From Your Hometown" chuan 7.87% hmuin panganaah a lang.