FENGa album hmasa ber 'WTF'

Mizo rapper leh artist producer ni bawk, FENGa chuan a kutchhuak album hmasa ber 'WTF' chu kar hmasa khan a tichhuak. Album-ah hian Hip-Hop track pakua awmin, streaming platform hrang hrang Spotify, Apple Music, Amazon Music, Tidal leh a dangahte dah a ni.

Album-a hla tam zawk hi sapṭawnga sak a ni a, amaherawhchu, Mizo hranghlui band lar ṭhin Zodi leh Vulmawi hla sampling atana hmanna a awm nual thung. Mizo producer ṭha tak tak Cozzy, Seej, boPP Culture, leh Souledfreak-te nena an thawh hona hlate pawh a awm tel a ni. FENGa full album hi 'newFoldr' YouTube channel-ah dah a ni a, newFoldr hi kum 2023 khan independent label a din a ni a, a hnuaiah hian artist, huang hrang hrang hnuaia mi an awm bawk.