Mood Station hla thar 'MS THLANGRA' a chhuak

Mizo rock band ṭha, Mood Station chuan kar liam ta Zirtawpni zan khan an hla thar, 'MS THLANGRA' an tlangzarh a, Mood Station YouTube channel-ah a music video hi en leh ngaihthlak theihin a awm ta. A bon lehpek hle. Mood Station thlangraah lunglen hnawt ṭiauin inṭhap leh suau suau mai ang aw!

'MS THLANGRA' hi Spotify leh music online platforms chi hrang hrangah ngaihthlak theihin a awm a, LPS vision leh Zonet lamah pawh music video hi dah chhuah a ni bawk. Mood Station hian Mizo hlaa an phuah ngai zen zen loh nal tak takin an rawn chhawpchhuak nual tawh. An hla zinga mi, 'Rawn Sapatal Rawh' tih phei chu kum 2019 khan Rolling Stone India-in ram chhunga single tihchhuah ṭhazual 10 a thlan chhuah zingah a tel a ni.