'Mizo Talent' Top 10 a hriat ta

LPS Vision bultuma 'Mahindra XUV 3XO Mizo Talent' thlanna neih mekah a ṭha zual 10 te hriat a ni ta. August 14-16 chhung khan Top 30 in elna LPS Arena, Falkland, Aizawlah neih a ni a, an zing aṭanga tiṭha zual 10 thlan chhuahte chu Thawhṭanni zan khan puan a ni. Mi 10 thlan chhuah bakah wild card hmangin judge te'n mi pali an chhanhim belh bawk.

Top 10-a tling mi 14 te hian August 22, Ningani zanah LPS Arena-ah inelna neih leh a ni anga, inelna hi zan khatah an zo nghal ang. Show hi LPS YouTube channel aṭangin live-a pek chhuah a ni leh dawn a, a hmunah mipui tan chhim theih a ni bawk ang.

Inelna neih leh turah hian mipuite ngaihhlut hlawh tak tak zingah lam thiam Kolasib nula Lucy kan hmu leh dawn a, phenglawng tum thiam Rinawma bakah kum danga kan hmuh zen zen loh ventriloquist Lalawmpuia, Ramhlun North pawh kan hmu leh thei dawn a ni. Wild Card hmanga chhanhimte hi Margareth Malsawmzuali, Lalrintluanga, Dp-i, leh Elisha Lalramdina te an ni.

Mizo Talent Top 10
Aizawl Breakerz
Jacob Lalhmingmawia
Lucy Lalthazuali
Lalawmpuia Tochhawng
Lalrinawma
TG Reeds
Team Unknown
Vanlalhlupuia
Zomuani
2MG (2 Magician)