MTV VMA perform tur zingah Sabrina Carpenter

MTV Video Music Awards (VMA) 2025-a perform tur zingah Sabrina Carpenter bakah Sombr, Alex Warren leh J Balvin ft DJ Snake-te chu tihchian an ni ta. Carpenter hi award pariatah nominate a ni a, chung zingah chuan video of the year pawh a tel.

Sombr hi a vawi khatna atan VMA-ah hian a perform dawn a, ani pawh hi best new artist leh best alternative-ah nominate a ni. Balvin hi kum 2022 hnua a vawi khatna atan a perform leh dawn bawk . Warren pawh a vawi khat inlanna tur niin, best new artist, best pop leh song of the year-ah nominate a ni.

Busta Rhymes chuan Rock the Bells Visionary Award chu rimawi lama a hlawhtlinna avangin a dawng dawn a, Ricky Martin pawh Latin Icon Award hlan a ni dawn a, an pahnih hian an perform dawn bawk a ni. Kumin MTV VMA-ah hian Lady Gaga chu nomination hmu hnem ber niin, 12 a hmu a, Bruno Mars chuan 11 hmuin Kendrick Lamar-a'n 10 a hmu ve bawk.