P1Harmony-in English album tlangzarh dawn

South Korean boy band P1Harmony chuan huang zauhna atan full-length English album hmasa ber an tlangzarh dawn. August 20 khan an agency FNC Entertainment chuan an English album thar tur 'EX' tih poster chu pholangin, September 26 hian an official social media channel kaltlangin tlangzarh a ni dawn tih an puang.

Poster aṭanga a landanin, an group hian August 25-ah an concept photo hmasa ber an ti chhuak dawn a, concept photo making film, tracklist, 'EX' sampler, music video teaser leh highlight medley-te chu a in dawtin an tlangzarh chhunzawm dawn a ni. Kumin May thla khan an mini album pariatna 'DUH' tih chu an lo ti chhuak tawh a, tlangzarh a nih karah copy 440,000 an hralh chhuak nghal a ni.