CK Cars-in sale leh service kalpui dan thuam ṭha

CK Cars chuan sales lama hma an lak dan leh service an kalpui dan an thuam ṭha. Mizote tan Aprilia SR 175 chu lei chi tak a ni tih an sawi.

Anmahni dawrtute tan awlsam leh rin tlak zawk nih tumin CK Cars, Bawngkawn chuan ke an pen thu leh, an two-wheeler zawrhte pawh Mizo mipuiin tunhmaa an sawisel tawh ṭhin ang ni tawh loin, belhchian dawl zawkin a rawn chhuak thar tih an sawi. Mizo mipuiin a man to si lo, chak ṭha, tlo leh chuan nuam an duh a, chutiang nen chuan Aprilia SR 175 a inmil hle tih an sawi bawk. Aprilia SR 175 hi Rs 1,51,912-in showroom atangin a lei chhuah theih. 174.7cc a ni a, power pawh 13.08 hp@7200 RPM niin, petrol litre 6 thun theih a nih avangin scooter dang aiin a dawng hlawk bawk.

Scooter-a pawimawh tak a brake pawh a ṭha tih an sawi a, a hma lam 220mm disc ABS niin a hnung lam erawh 140mm drum a ni ve thung. A khalhtu tan hmuh awlsam turin instrument cluster 5.5 inch TFT display a awm a, Bluetooth hmanga thlun zawm theih, navigation tha tak bakah phone nena thun zawm theih a ni tel.

Kumin February khan India ramah speed bike ngainatute ngaihven hlawh Aprilia Tuono 457 an tichhuak a, Mizoramah Rs 4,49,905-in a lei theih a ni. MotoGP-ah Aprilia bike-in hma a sawn a, dawhsan luah fovin intlansiakah pakhatna an nih chang a awm bawk.