The Beatles documentary tlangzarh ṭha dawn

English rock band The Beatles documentary 'Anthology' chuan edition thar neih belhin, kumin November thla hian documentary an tihchhuah kum 30 tlin lawmna atan tlangzarh ṭhat a ni dawn. Documentary-ah hian episode pakua dah belh niin, musical collection siam ṭhat leh Anthology book special edition a awm tel dawn a ni.

The Beatles Apple Corps chuan Peter Jackson Wingnut Films leh Park Road Post team-te nen Anthology documentary chu siam ṭha lehin, kum 2021-a 'Get Back' documentary-a Jackson group nen an thawhhona an chhunzawm leh a, episode tharah hian Paul McCartney, Ringo Starr leh George Harrison-te'n kum 1995-a documentary siam tura an band an in zawmkhawm lehna tarlan a ni ang. Project hi November 26 aṭangin Disney+-ah stream ṭan a ni ang.