Snoop Dogg-a'n a tute nena movie en hreh tawh

American rapper leh record producer, Snoop Dogg chuan Entertainment Weekly hnuaia "It's Giving" podcast-a a kawmnaah a tupa nena movie ena kal a hreh tawh thu a sawi chhuak. Snoop hian Pixar kutchhuak Toy Story character 'Lightyear' animation an en thu sawiin, movie-ah hian neih inang inkawp tarlan niin hemi vang hian a tupa hian zawhna mak tak a zawh phah tih a sawi.

Lightyear animation-ah hian hmeichhe nupain fa an enkawl tarlan a ni a, hemi chungchangah hian a tupa chuan,"Papa Snoop, engtin nge naute an neih theih?" tiin movie en laiin zawhna hi a zawt a,hmeichhia ve vein naute an nei chu mak a tih hle thu a sawi. Snoop chuan a thil tawn hian a ṭhawng hle tih sawiin, heng thilte hi naupang kum la tlem tak takte hmuha tarlan a nih vang hian zawhna chhan har tak tak a awm phah dawn a ni, a ti. Disney leh Pixar hian LGBTQ+ chawilarna lam hi "Lightyear" loah pawh an lo tarlang tawh a ni.