VALORANT Mobile national series hmasa ber lawmman a tam

Riot Games kut chhuak VALORANT mobile chu a vawi khatna atan China-ah national competition buatsaih tum a ni a, lawmman atana sum ruahman hi USD 418,000 a tling. Tourney-a qualify tur hian kawng li national, colleges, streaming platforms, leh cooperation huanga khelh tur a ni dawn a ni. VALORANT Mobile torney hi September aṭanga November chhunga khelh tur a ni ang.

Qualifier khelhte hi China huam chhunga streaming platform hrang hrang Bilibili, TikTok, Huya Live, Douyu, leh Kuaishou aṭangin pek chhuah a ni dawn bawk. Qualify round stage hrang hrang pali aṭanga tlingte hian National Final Aranya Grand Masters, December-a neih turah an khel dawn a ni. VALORANT Mobile hi khawvel puma khelh theih turin tlangzarh a la ni lo a, official hian China-ah chauh tlangzarh a la ni rih a ni. Khawvel pum huap in nakkum 2026 kum tir lamah tlangzarh tura ruahman a ni thung.