'Fortnite Festival' headline atan Gorillaz

'Fortnite Festival' season 10-ah virtual band Gorillaz chu in-game event musical artist headline an ni dawn tih Thawhṭanni khan an puang.

Gorillaz hi English virtual band niin, Noodle, 2D, Russel Hobbs leh Murdoc Niccals-te chu band member an ni. Group hi musician Damon Albarn leh artist Jamie Hewlett-te siam a ni. 'Fortnite Festival' ah hian Bruno Mars, Sabrina Carpenter, Hatsune Miku, Snoop Dogg, Karol G, Metallica, Billie Eilish, Lady Gaga leh The Weeknd-te pawh an lo inlan tawh a ni.

Epic chuan London-a Hackney Bridge Garden-ah Fortnite x Gorillaz Pop Up-ah hian September 3 thleng 'Fortnite Festival IRL' event a buatsaih dawn a, pop-up-ah hian gaming station, giveaway, live game stream leh DJ performance a awm dawn a ni.