American Idol Judge ngai an ṭhu leh dawn

Khawvela zaia inelna lian leh ngaihven hlawh, American Idol season 24 chu nakkum 2026 hian neih a ni leh dawn, nimin aṭang khan audition an nei ṭan. Inelna neih turah hian season hnuhnung ber kumin a neih zawh tak a judge pathum Carrie Underwood, Luke Bryan leh Lionel Richie te'n endikna an kalpui chhunzawm leh dawn a ni.

Lionel Richie leh Luke Bryan-te hian Season 16, 2018 aṭangin an endik ṭan a, Idol season 4 winner Carrie Underwood hian kumina neih season 23 aṭangin Katty Perry a thlak a ni. State hrang hrangah audition hi September 22 thleng neih a ni ang. Kumin American Idol hi Fremantle leh 19 Entertainment produce a ni a, Sony Pictures Television nen an thawk dun bawk.