Tanya Roberts a thi leh lo an ti!

Bond Girl leh Charlie's Angles star, Pathiannia thi nia an puan Tanya Roberts chu a thi leh lo niin BBC chuan a tarlang.

BBC-in a tarlan dan chuan a thih thu Pathiannia puan kha thu dik tawk lo a nih thu Roberts agent Mike Pingel chuan a sawi a, mahse a dinhmun erawh a ṭha lo hle tho a, Los Angeles-a damdawi-inah enkawl mek a ni, an ti.

Kum 65 mi Roberts hi Sir Roger Moore Bond movie hnuhnung ber A View to a Kill-ah khan a  inlan a, film dang eng emaw zatah a inlan bawk.

December 24 khan a ui kaia a leng chhuak chu nikhaw hre loa a tluk avangin Los Angeles-a Cedars-Sinai Medical Centre-ah admit a ni a, Pathianni khan a thi ta niin media hrang hrangah tarlan a ni hman. Mahse BBC chuan nimin khan a thi leh lo tih hi tarlangin ICU-ah enkawl mek a ni tih a agent Mike Pingel hnen aṭanga an hriat thu an sawi a ni.