Mizo Idol host-te thukhawchang

Fiona

- 'Host tur ka ni tih ka hriat khan ka huphurh khawp mai a, tawnhriat ka la nei si lo. Mahse kan han ṭan chho a, ka rin aiin a nuam a, keimah leh keimah ka inbeisei aiin ka ti ṭhain ka inhria'
- 'Mizo Idol hi a ṭha ka ti a, talent hai chhuahna ṭha tak niin ka hria. Idol aṭang hian Mizoram hian zaithiam rintlak leh chhuantlak tam tak kan neih phah a, mi tam takin sum leh paiah pawh hlawkpuina an neih phah a, a ṭha hle a ni'
- 'Kumina contestant-te hi an ṭha ka ti a, top 50 chin aṭang phei kha chuan an ṭha zual hle a, judge-te tan pawh a harsa ngawtin ka ring'
- 'Mizo Idol kalphung hi a ṭhain a felfai hlein ka hria. TV live show-ah erawh top 20 aṭang hian show hi pangngaiin kalpui tawh ta se, te ka ti ve mai mai; a hlut phah lehzualin ka ring'

Zonuni

- 'Mizo Idol tih tirh aṭanga tun thlenga ka host thei tur hi a lawmawm ka ti a, nuam ka ti a, ka phur khawp mai'
- 'Ka hmuh tawh chinah Mizo Idol-a telte hian an hlawkpui hlein ka hria a, top 10 kher ni lo pawhin kawng tam takah hma an sawn a, anmahniah confidence an neih phah a, top 10-a lang kher lo pawh tun thlenga zaia hlawhtling leh kan hriatlar tak tak an tam hle. Kawng tam takah hma an sawnpui niin ka hria.'
- 'The Voice-a Blind Audition an neih ang ṭhin hi a chakawm ve khawpin ka hria. Hmel hmu loin audition hi nei ve ta ila, a hlawk thlakin a hlimawm viauin ka ring.'
- 'A pumpuia lakin kumin hi an zaithiam hlawm vekin ka hria. Kum danga mi an thiam lo tihna ni loin, kumin hian tla tate pawh, an vai hian an thiam dan a rual khawpin ka hria'

Mawitei

- 'Ka pian tirh aṭanga ka vawi khat host-na a nia, a tir chuan ka huphurh rapthlak khawp a, mahse kan han ti a, a tih ve theih viau.'
- 'Langsar lem loa han tihsual nawk nawk a awl viau a, chhûn pachangah a chang chuan kan inmangṭha ang lawp lawp a, a hlimawm ang reng viau mai.'
- 'Mizo Idol hi a hmuhnawm ka ti a, Aizawla ka rawn haw chang leh Idol a inrual hi chuan ka en ngei ngei ṭhin.'
- 'An kalpui dan hi a ṭha ka ti a, a tela te pawh an zai thiam ka ti. Idol hrim hrim hi a ṭha ka ti a, zaithiam tam tak, kan hriat loh leh talent inthup hai chhuahna a ni a, Mizote hian kan hlawkpui niin ka hria.'
- 'Intihsiakna a sang tial tial a, a phurawm tial tial ka ti. Keimah bik pawn ka chanpualah hma ka sawn tial tial niin ka hria a, a nuam ka ti khawp mai.'