Maruati A pass lawmna tur music video

Mizo Idol 2013-a mipuiin an ṭan em em, top 20 thleng thei, Champhai nula Maruati chuan hun eng emaw chen ama mimal music video a tihchhuah loh hnuah a pass lawm nan music video thar a siam a, TV-ah pawh a dah leh tawh e.

H. Lalremruati hian a music video hmasa ber ëKa Zion kulhí a tichhuak tawh a, hemi hnu hian, kum 2014 khan ëI ta niseí music video a tichhuak leh a, hemi hnu hi chuan kan hmu ta mang lo; Shillong-ah lehkha zirin a tawm bo rih a ni. Nikum khan MSU Shillong chuan ëRam leh hnam taní music video an siam a, hetah hian Maruati hi kan hmu leh a, hei bakah hian RK Vanlalpeksanga nen ëLalpa hmangaihnaí an tichhuak a, Empty Pocket angin ëI hnen lo thleng seí tih music video a tichhuak bawk.

Solo music video pa≠hnih a tihchhuah hnu leh, midangte nena an zaina music video a chhuah hnuah, a solo video thar ber ëFakin zai seí tih chu a rawn tichhuak leh ta. He hla hi Idol lai aṭanga a lo hlawhtlinpui tawh kha a ni a, hmuh a chakawm tawh hle. RK Vanlalpeksanga phuah a ni a, Kima Chhangte music siam a ni a, Champhaia SM Studio-ah a record a, video hi Hmingtea (Milestone Pictures) kutchhuak a ni. Tuna a hla hi a pass lawmna tur a ni.

Maruati hi NEHU aṭangin MA (Sociology) kumin khan a zo a, NEHU hnuaiah pathumna a ni pha hial. ìKa lawm ve lutuk a, BA-ah khan Mizoram University-ah 5-na ka ni ve a, hma ka sawn a, ka lawm hle a ni,î a ti. Tunah chuan zirlaite a zo tawh a, a music video dangte pawh kan hmu chho hnem deuh turah ngai ila, amah pawhin chutiang zawng chuan a sawi a, kan ngai sual lo ang.

ìShillong-ah lehkha kan zir tak avangin music lamah pawh hnuhma a neih hnem theih loh a, tunah chuan ka zo ta a, hmachhawp pawh eng eng emaw chu a awm ve,î a ti. ìHmachhawp neuh neuh ka nei a, kum thar lamah chuan ka bei ve zar zar thei tawh ang chu,î a ti. A thlamuan thlak khawp mai.