Lenovo-in phone thar tichhuak

Lenovo chuan smartphone lama an duai lohzia lantir nan an phone thar, Lenovo Phab 2 Plus chu India-ah an tichhuak a, a man hi Rs. 14,999 a ni a, Amazon-ah chauh an zuar chhuak.

Lenovo Phab 2 Plus hi a hmai a hlai hle a, inchi 6.4 a ni a, Mi Max te nen a hmai hi a intiat tlang. A display hi full HD a ni a, a resolution a ṭha a, 1080 x 1920 pixel a ni. Alluminium hmanga siam a ni a, a hmai hi 2.5D curve glass design a ni.

Phab tih a hminga an hmanna chhan chu Phablet lam tawi a ni a, chu chu tablet leh phone tih lak kawp a ni. A processor hi MediaTek MTK 8783 cota-core a ni a, a RAM hi 3GB lai a ni a, internal storage hi 32 GB niin, microSD card a hmang thei bawk a, 128GB thlenga lian a hmang thei.

A camera hi a ṭha ang reng phian a, a hnunglam hi dual camera a ni a (13MP + 13MP), a hma lam camera hi 8MP a ni. A battery lam pawh a ṭha viau hi 4,050 mAh a ni a. SIM card pakhat chiah a hmang thei a, Nano SIM a hmang.