Best Film-ah ‘Sulhnu’ thlang

Mizoram Film Development Society leh I&PR ṭangkawptena an buatsaih, Mizo Feature Film Competition-ah KC Zoherliana film siam ëSulhnuí chu Best Film-a thlan a ni. Best Film hian pawisa fai Rs. 170,000 a keng tel.

Mizo Feature Film Com≠petition-ah hian KC Zo≠herliana hian ëSulhnuí film script a ziah aṭangin Best Script a dawng a, he lawm≠man hian Rs. 5,000 a keng tel. Sulhnu film-a chang, Joseph Lalnun≠tluanga chuan Best Suppor≠ting Actor a dawng bawk.

Mizo Feature Film Competition hi kumin June thla aṭanga neih ṭan a ni a, kumin hi vawi hnih buatsaihna a ni. Kawng hrang hrangin he intihsiaknaa film thehluhte en dik a nih hnuah Best Film leh lawmman la turte hi an thlang chhuak a ni.

KC Zoherliana hian film a lo siam nual tawh a, Khawhring leh Inhlanna te chu a kutchhuak hmasa a ni. Inhlanna hi kumin February thlaa Arunachal-a North East Film Festival-ah khan tihchhuah a ni. Tunah hian Mizoram hun tawna Mizote min nghawng nasa bertu Rambuai lai chanchin kha film-a siam≠in a buaipui leh mek. Sulhnu pawh hi reiloteah big screen-a tihchhuah tura ruahman a ni.

Sulhnu film hi ruih hlo tawlhtute leh police officer, a ruka inthuruala ruihhlo tawlh ṭhin an awm a, chu chu police officer nula chuan man chhuakin police officer chu jail-ah a tir liam ta a ni. A changtupa pa hi YMA ruihhlo do nasa zinga mi a ni a, ruihhlo a dona kawngah chuan misualten hnawk an ti a, an that ta a ni. A changtupa chuan a pa phuba a la a, a pa phuba a lakna lamah chuan a nu leh pa chu a nu leh pa tak tak an ni lo tih a hrechhuak a, a nu leh pa tak tak zawk chu zawn chhuah leh a tum a ni.