Spotify-in In-App messaging feature tlangzarh

Audio streaming leh media service provider, Spotify chuan In-App messaging feature a tlangzarh. Streaming service user-te chuan hun rei tak chhung chu messaging app leh social network dang hmangin hla, podcast leh audiobook-te an share ṭhin a, tunah chuan network dang hman kher a ngai dawn tawh lo.

Spotify chuan user-ten an hla ngainat, podcast emaw audiobook emaw chu an ṭhiante leh chhungte hnenah awlsam zawka thawn an duh tih an sawi hnuah, company chuan user-te duhzawng tihsak chu an tum ber a nih thu an sawi. Tunah chuan Instagram, Facebook, WhatsApp, Snapchat leh TikTok-te angin spotify content chu app chhungah message-in a inthawn theih tawh dawn a ni. Messaging platform dang ang bawkin Spotify user-te chuan message inthawn dawna dilna pawm emaw hnawl emaw duh an thlang thei dawn a ni.