Google-in 'Nano Banana' AI thlalak edit-na tichhuak

Multinational technology company, Google chuan AI hmanga thlalak edit-na thar chu an AI app Gemini-ah an tichhuak thar. AI hmanga thlalak edit-na thar hi Nano Banana tih niin, hemi hmang hian thlalak background tih blur, duh loh lai tihbo, midang lang ve dah bo, in pose dan tih danglam leh black and white thlalak colour dah thlengin a tih theih dawn a ni.

Google chuan an AI thlalak edit-na thar chu a hmasa aia hman nuam leh awlsam zawk a ni tih an tarlang a, model thar hmang hian thlalak hrang hrang pawh a dah khawm theih dawn a ni. Hmangtute chuan thlalak pakhatah thlalak dang an dah luh belh theih bakah mahni duhdan colour code emaw design emawin an ti danglam thei dawn. Model thar tihchhuah hi Gemini API leh Google AI studio-ah developer leh Vertex AI tan hman theih a ni bawk ang.