Vanglaini Bihchianna - Entrepreneur Huang: R&K Industry

Sumdawnna bul ṭan dan:

R&K Industry hi kum 2023 khan Jason Lallawmzuala leh a unaupa Reuben Vanlalruata te bul ṭan niin, kum 2024 December thlaah mumal taka kalpui ṭan a ni thung. An sumdawnna hi Jason Lallawmzuala'n Andhra Pradesh-a BTech Mechanical Engineering final year a zirlaia a project niin, a tak ram chantir duhna aṭanga lo chhuak a ni. Apex Bank lamin an project-te en in ṭha an tih avangin harsatna awm loin loan an pe chhuak a, chumi hmang chuan sumdawnna bul an ṭan a, an khawlte pawh an neih theih phah a ni. Chhungkuaa an ṭanrualna leh thawh hona ṭhat avangin harsatna awm loin hna an thawk chhunzawm thei zel.