'Mortal Kombat II' chhuah hun tur sawn hla

Video games adaptation ngaihhlut hlawh, 'Mortal Kombat' chhunzawmna 'Mortal Kombat II' chu production company Warner Bros. chuan kumin October 24-a tihchhuah an tum zet hnuah, nakkum 2026 May, 15 ah zawk tihchhuah a nih tur thu an tarlang.

Mortal Kombat II hi Simon McQuoid direct niin script hi Jeremy Slater ziah a ni a, video games hian Ed Boon leh John Tobias ten an siam thung. Kum 1995 khan film a siam lo ni tawh bawkin a hit hle bawk. He film-ah hian lemchan thiam lar tak tak an inlan leh dawn a, Karl Urban chu Johny Cage anga changin ani bakah Adeline Rudolph, Jessica McNamee, Josh Lawson, Ludi Lin, Mehcad Brooks, Tati Gabrielle, Lewis Tan, Damon Herriman, Chin Han, Tadanobu Asano, Joe Taslim leh Hiroyuki Sanada-te an in lan leh thei dawn a ni.