100 Thieves leh Demon Slayer collab dawn

Anime-in khawvel a thunun chhoh leh Esports-in hma sawn meknaah, North American esports organization '100 Thieves' chuan anime hit leh Korean box office pawh thununtu 'Demon Slayer' nen an thawh dun tur thu an puang. An thawh dun tur thu hi puang mah se eng angin nge an thawh dun dawn tih erawh September 5-ah an sawi chiang dawn chauh thung.

100 Thieves hi a hma pawhin anime hit 'Dragon Ball Z' leh 'Attack on Titan' nen kum 2023 khan an colab tawh a ni. Demon Slayer nena colab-na hi anime an thawh pui vawikhatna a ni lo. Esports huanga team lar leh hriat hlawh Team Liquid chuan kum 2024 khan 'Demon Slayer' hi an lo colab pui tawh bawk.

Video games hrang hrang leh anime hi an lo thawk ho fo a, PUBG pawhin 'Attack on Titan' chu nikum lam khan a lo colab pui a, Esports World Cup neih lai pawh khan anime streaming service Crunchyroll chu anime-base event huaihawt a nih theih nan an thawhpui bawk. Heng bakah hian One Piece, Naruto, Death Note, One Punch Man, Gundam leh Cowboy Bebop te pawh video games dang nen an colab tawh a ni.