Lehkhabu bawm: 'Sap Dotu Mizote: Zoram Zalen Nana Beitute' tlangzarh

Thang Sian Tluang ziah, 'Sap Dotu Mizote: Zoram Zalen Nana Beitute' tih lehkhabu chu August 30, Inrinni chawhma dar 11 khan Lalhruaitluanga Chawngte chuan a tlangzarh. He lehkhabuah hian Mizo lalte leh pasalṭhate zinga vai runtute leh vai lian lo kaptu mi 43 te chanchin ziah a ni a, phek 301-a chhah niin, cheng 350 man a ni.

Lehkhabu tlangzarh inkhawm hi Dr H. Laldinmawia'n a kaihruai a, Dr Vanlalremruata Tonson chuan lehkhabu thlirlawkna neiin, Pu F. Vanlalrochana leh C. Lalnunchanga ten thu an sawi bawk.