'Jujutsu Kaisen' season 3 premiere hun tur puang

Japanese manga series 'Jujutsu Kaisen' season thumna chu January 2026-ah premiere a ni dawn tih Crunchyroll chuan Crunchyroll Anime Award series kum nga tlin lawmna special live-stream-ah a puang.

Crunchyroll chuan season thar hi khawvel pumah, Asia tel loin an stream dawn a, Japanese-a broadcast a nih rualin kar tin episode tihchhuah ṭhin a ni ang. Season lo awm tur hi, 'Jujutsu Kaisen The Culling Game' tih niin MAPPA animation kutchhuak a ni. Yosuke Yajima leh Hiromi Niwa-te chuan character design an siam dawn a ni. Voice cast zingah Junya Enoki, Yuji Itadori, Daisuke Namikawa, Megumi Fushiguro-te an tel. 'Jujutsu Kaisen' hi khawvel pumah copy mtd 100 chuang hralh a ni tawh a, season hmasa ber kha October 2020 - March 2021-ah tihchhuah a ni.