Jonas Brothers concert-ah Fifth Harmony inlan

American girl group Fifth Harmony member pali Ally Brooke, Normani, Dinah Jane leh Lauren Jauregui-te chu Pathianni zana Texas-a Jonas Brothers concert-ah an inlan. An group hi kum 2018 aṭang khan chet chhuahna nei loin an thawm a reh zui a ni.

Fifth Harmony official account X-ah Jonas Brothers concert-a an perform thei chu lawmawm an tih thu an sawi a, rimawi lama an kir leh chu nuam an tih thu an tarlang bawk. An website bakah Hybe platform, WeVerse-ah an fan-te nen inbiakpawh theihna turin huang an zauh bawk a ni. An group hi U.S. version 'The X-Factor' kaltlanga din an ni a, kum 2015 khan an album 'Reflection' chu tichhuakin an hlawhtling hle. Kum 2016-ah an member Camila Cabello chuan an group chhuahsanin a kal hrang a, member tin hian solo music an tlangzarh vek bawk a ni.