Spotify-a 5 billion stream tling hmasa ber 'Blinding Lights'

Music streaming platform hlun ber pawl Spotify chuan Pathianni khan an IG-ah 2020 megahit, The Weeknd hla 'Blinding Lights' chu streaming platform-a hla zingah stream tluklehdingawn nga (5 billion) tling thei hmasa ber a nih thu an tarlang. The Weeknd Abel Tesfaye chuan he thu hi a IG story-ah a share zui bawk.

'Blinding Lights' hi kum 2024 January khan Spotify-a tluklehdingawn li (4 Billion) nei tling hmasa ber a lo ni tawh bawk a ni. Billboard Top Hot R&B/Hip-Hop Song of the 21st Century chart-ah No 1 a ni bawk. The Weeknd hi Spotify Billions Club-ah telin nikum December-a Billion Club: Live Concert an huaihawtah khan a perform ve nghe nghe.