Beauty and the Beast A trailer chauh pawhin record a siam

A film a chhuah hma hauh aṭanga record siam thei hi chu a film rawn thlen hun a nghahhlelhawm zual. Beauty and the Beast, nakkuma tihchhuah tur hi a trailer YouTube-ah dah chhuah a ni a, a trailer dah chhuah aṭanga darkar 24 chhungin vawi maktaduai 127.6 zet en a ni.

Movie trailer zawng zawng, YouTube-a dah tawh zingah, darkar 24 chhunga entu ngah berah Beauty and the Beast hi a rawn ṭang nghal a, a hmaa record siamtu chu Fifty Shades Darker kha a ni a, a rawn khum hneh rem rem hle.

Fifty Shades Darker kha a trailer YouTube-a dah chhuah a nih aṭangin darkar 24 chhungin entu makta≠duai 114 lai a nei a, entu ngah ber ṭhin a ni. Star Wars: The Force Awakens kha pahnihna a ni ṭhin a, darkar 24 chhungin vawi maktaduai 112 zet YouTube-ah hian en a ni. Heng film ropui pahnihte hi YouTube-a trailer dah chhuahah chuan Beauty and the Beast hian a rawn kh˚m nghal phawt a, a film tak tak tihchhuah hunah pawh a khum theih ngei a rinawm.

Beauty and the Beast siamna studio, Disney chuan Facebook-ah ringawt pawh vawi maktaduai 29 zet en a ni tawh tih an sawi. He film-ah hian Emma Watson a chang dawn a, ani hi Harry Potter film-a kan hmuh kha a ni.

Tuna a trailer hi Thawhṭannia an dah chhuah kha a ni a, official trailer hmasa ber a ni. Kumin May thla khan a teaser an dah chhuak tawh a, a teaser ringawt pawh hi an en nasa. A teaser an dah chhuah, May thlaa mi kha vawi maktaduai 91.8 ngawt en a ni a, teaser trailer zinga entu ngah ber a ni bawk. Teaser trailer zinga entu ngah ber ṭhin chu Star Wars: The Force Awakens kha a ni a, vawi maktaduai 88 entu an awm ṭhin a, a rawn khum a ni.

Beauty and the Beast hi nakkum May 17-a tih≠chhuah a ni. He film-ah hian Emma Watson bakah Luke Evans, Ian McKellen, Ewan McGregor te pawh an chang.

Second 10-30 vel lek chhung, film an siam ngei a ni tihlanna a ni deuh ber a, a hmuna an chang tak tak laite tawi te tihlan a ni ṭhin. Narrative a

Teaser awm ngai mang lo a,film-a character pakhat emaw, event emaw a plot emaw chauh tihlan a ni tlangpui.

Teaser aiin a thui a, a film kalphung tur pawh eng emaw chen a hriat tawh ṭhin. Minute khat emaw vel laia thui te a ni a, a film tlangzarh

Trailer hunte pawh an tarlang tawh ṭhin. Narrative a awm a, a film thawnthu ruangam tlangpuite pawh sawi lan a ni ṭhin. Studio azirin teaser leh trailer sawifiah dan a inang lo ve thei