People’s Choice Awards nominee

Kum 2017-a sem tur Peopleís Choice Awards sem tur atan nominee puan chhuah a ni. Movie huang chhung lamah Captain America a langsar a, music lamah chuan Beyonce, Blake Shelton, Ariana Grande leh Justin Timberlake te an langsar thung.

Movie huang chhungah hian Marvel movie pahnihte an langsar hle. Captain America: Civil War bakah X-Men: Apocalypse te hming a lang ngun a, movie dangah chuan Finding Dory, Zootopia, Batman v. Superman: Dawn of Justice leh Suicide Squad te chu hming lang ngun an ni bawk.

Movie changtu lamah Deadpool changtu Ryan Reynold te, Kevin Hart, Robert Downey Jr., Tom Hanks leh Will Smith te chu Movie Actor category-ah an awm tlang. Actress huang chhungah chuan Scarlett Johansson, Jennifer Lawrence leh Margot Robbie te an awm tlang bawk.

Zai lamah Blake Shelton, Justin Timberlake, Shawn Mendes leh The Weeknd te chu Favorite Male Artist category-a duhthlan tur an ni a, Favorite Female Artist-ah chuan Adele, Ariana Grande, Beyonce Knowles leh Britney Spears te an inel ang. Favorite Breakthrough Artist hi miin an ngaihven tur a ni a, a chhan chu he category-ah hian Zayn Malik leh a band hlui, One Direction te an awm kawp. Peopleís Choice Awards hi Los Angeles-a Microsoft Theatre-ah kum 2017 January 18 khian sem a ni ang.