Nobel Prize in Literature dawng turin Dylan kal a tum lo

Nobel Prize in Literature a dawng a, buai neuh neuh a, a awm a, sawi neuh neuh a awm. He chawimawina dawngtu Bob Dylan hi a chiang lo thei riau mai a, tuna thil chiang awm ta anga tarlan chu Nobel Prize an sem hunah Bob Dylan hi a kal dawn lo.

Nobel Prize in Lietrature dawngtu tur puan a nih a, Bob Dylan hnenah hlan a ni dawn tih an puan khan, Bob Dylan hian a pawm leh pawm loh a sawi lawk lo a, rin dan chi hrang hrang an vawrh chhuak nasa hle hman a nih kha. A hnuah a pawm thu a sawi a, chumi hnu leh lawkah he chawimawina sem chhuah hunah a kal lo mai thei tih an sawi leh. Nobel Prize siamtute chuan Bob Dylan hi kal lo mah se an buai chuang dawn lo tih an lo sawi lawk tawk a ni.

Hetianga chanchin neuh neuh a awm hnuah Bob Dylan chuan a dinhmun tur a tichiang ta. Kum 75 mi, music khawvela hnuhma ngah leh nei ṭha em em mai Bob Dylan hian December 10-a Stockholm, Sweden-a Nobel Prize an sem hun a kal dawn lo tih a sawi chiang ta. Associated Press-in a tarlan dan chuan ìHe prize hi a hmunah ngei dawn theih chu a duh lutuk a, mahse commitment dang a lo neih avangin a dawng thei dawn ta lo a niî a ti.

Dylan-aín a hmuna a dawn d‚wn tak si loh≠ah chuan a aiah tuin nge dawng ang tih a la sawi theih loh. Swedish Aca≠demy chuan Dylan-a lakah hian beisei an la nei. Nobel Prize in Literature a dawng a nih chuan, December 10 aṭanga chhiar ṭanin thla ruk chhungin literature lamah lecture a pek ngei a ngai a, a nih loh pawn a chawimawina dawn pual hian music concert a buatsaih a ngai. Hei hi an la nghah chu a ni. Hetiang hi Dylan hian a tihhlawhtlin loh chuan he prize-in a ken tel pawisa fai a dawng thei lo ang.