Justin Bieber Hillsong kohhran a ni lo

Tunhnaiah khan media lamah Canadian singer Justin Bieber chu Hillsong kohhrana minister ni turin a inzir mek niin thuthang a awm a, mahse Justin Bieber chuan hei hi thu dik lo a nih thu a sawi.

Thawhṭanni khan a Instagram story-ah hemi chungchangah hian insawifiahin minister emaw, chulam hawi emaw lam chu a zir lo hrim hrim tih a sawi a, chulam chu duhna a nei lo tih a sawi zui bawk. Hillsong chu a kohhran lawina a nih loh piah lamah chumi chianna tur chuan Churchome a nih zawk thu a sawi a ni.

Kum 26 mi Bieber chuan, "Kohhran hi hmun a ni lo. Keimahni hi kohhran chu kan ni. Pathian nena inzawmna nei turin building kan mamawh lo. Pathian chu kan awmna hmun khawiah pawh a awm a ni," a ti. Justin Bieber leh Hillsong hian inzawmna thuk tak erawh an nei a, an inkhawmte a chhim fo bakah kum 2013 khan Hillsong pastor pastor Carl Lentz nena an thlalakte pawh a post tawh nghe nghe.