WhatsApp-in feature thar siam belh

Instant messasing platform WhatsApp chuan feature thar siam belhin, Instagram zulzuiin status update-ah 'close friends list' a siam ve leh theih dawn ta. WhatsApp beta iOS 25.23.10.80-a TestFlight program-ah enchhin a ni a, siam mek a nih avangin beta testing-ah bak hman theih a la ni lo tih WABetainfo chuan a tarlang.

Close friends feature hian privacy settings-ah a siam theih dawn a, status update chu full contact list emaw, close friends thlan bik chauhte hmuh theih turin option a thlan theih dawn a ni. WhatsApp status update dang ang bawkin darkar 24 thleng a awm dawn a, update thar hi hman theih thuai tura beisei a ni. Close friend list siama add-te hian add leh remove an nihin notification an dawng kher dawn lo thung.