Mizo Idol 2025 : Audition video 716 theh lut

Zonet Cable TV buatsaih, mal zai intihsiakna Mizo Idol 2025 thlanna neih tur atana audition video theh luh theih hun chu August 31, 2025 khan a zo a, mi 716 in video an theh lut. Audition result hi September 9, 2025 ah puan a ni ang.

First Round hi September 23-26 chhungin neih a ni anga, hei hi live-a pek chhuah a ni tawh ang. First Round aṭang hian Top 50 thlan chhuah a ni dawn a ni. Grand Finale hi November 6-ah neih tura ruahman a ni.

Zonet TV hian kum 2007 aṭang khan Mizo Idol hi thlang ṭanin, kumin hi a ṭum riatna tur a ni. Season hmasa berah Lallawmpuia chu pakhatna niin Mizo Idol hmasa ber a ni. Kum 2009-ah Lalchhanchhuaha, 2011-ah Lalthuṭhaa, 2013-ah Grace Lalchhanhimi, 2015-ah Rebecca Zorintluangi, 2018-ah Jerry Lalrinawma leh 2023-ah T. Vanlalhmangaihi te chu Mizo Idol atan thlante an ni.