Grammy award sem hun sawn

Covid-19 hripui leng a la reh theih loh avangin Grammy Award sem hun tur pawh sawn a ni a, March 14-ah sem a ni ang.

Harvey Mason jr., Chair & Interim President/CEO Recording Academy; Jack Sussman, Executive Vice President, Specials, Music, Live Events and Alternative Programming, CBS; leh Ben Winston, Grammy Awards Executive Producer, Fulwell 73 Productions-te chuan Grammy aiawha thuhchhuah siamah an hming an ziak a, he an thuchhuah siamah hian health expert-te uluk taka an rawn bakah host tur leh artist inlan turte an biak vek hnuah tun thla Pathianni tawp bera sem mai an tum tawh 63rd Annual Grammy Awards chu March 14, 2021-ah an sem zawk dawn tih an tarlang.

Kumin Grammy Award ceremony hi Trevor Noah chuan a host dawn a, award sem hun an sawn hi mi tam tak rin dan sa a nih avangin thil mak a ni lem lo. Music’s Biggest Night tia an chhal Grammy award semnaah hian a tlangpuiin kum dangah chuan mi 18,000 bawr vel tal an tel ṭhin a, kuminah erawh engtiang taka sem nge an tum an la puang chiang lo a ni.