Bond Girl Tanya Roberts a thi

Pathianni zanah khan James Bond film 'A View to a Kill'-a Bond Girl Tanya Roberts chu a thi tih media hrang hrangah a darh a, mahse Thawhṭanni khan Roberts-i publicist, Mike Pingel chuan BBC hnenah a la thi lo tih a hrilh a; Mike Pingel vek hian an ram huna Thawhṭanni zan dar 9:30-ah a thi tih Thawhlehni khan a puang leh a ni.

Tanya Roberts hi kum 65 lai ni ve tawhin Krismas urlawk ni khan a ui a kai chhuak chu a tlu a, damdawi-inah dahlut zuiin Thawhṭanni zanah khan a thi ta a ni. Urinary tract infection vangin a thi niin an tarlang.