Khawvel pawnah nunna a awm!

Conspiracy theorist-te sawi chhuah mai a ni tawh lo a, mithiamte sawi a nih avangin a rintlak. Amaherawhchu nunna tih hian mihring ang chi emaw, tungchhoa kal ve emaw, pian danglam taka piang emaw lam ni loin, mit lawnga hmuh tham loh nunna a ni.

Vankhawhthei, Philae chu Comet 67P tia an sawi, 67P/Churyumov-Gerasimenko-ah ṭumin, hetah hian sample a la a, data pawimawh tak takte scientist-te hnenah a thawn a, chuta ṭang chuan khawvel pawn, planet, simeikhu leh arsi them ang chiah te nunna a awm thei ngei dawn a ni tih a tilang.

Philae lei pawnlangah hian ṭawih thei thil ṭawih aṭanga insiam tuamtu (crust) a awm a, he simeikhu chhungrilah hian vûr khal hmuh a ni bawk. Hei bakah hian he comet-ah hian dil tui, a vawh avanga a khalna hnuhma te, a vawh avanga khal tuipui hnuhmate a awm avangin he hmunah hian nunna a awm thei ngei niin scientist-te chuan an sawi.

Astrobiologist, European Space Agency (ESA) hnuaia simeikhu chungchang nasa taka lo zir tawh ṭhin Professor Chandra Wickramasinghe chuan ngaihdan danglam tak tak a nei. Khawvelin hman deuha a buaipui em em, SARS natna te pawh kha he khawvela awm sa emaw, rawn piang ni loin, he khawvel pawn lam aṭanga rawn lut niin a ngai.

Professor Chandra Wickramasin­ghe-a thawhpui ṭhin, University of Cardiff-a mi, Dr. Max Wallis chuan, Philae data lak aṭang hian simeikhuah kher ni loin, planet dangah te pawh nunna a awm thei ngei dawn tih sawiin, khawiah emaw chuan mihring ang hi an cheng ngeiin a ring.