Mizoram Synod Choir 2020-22 music video hmasa ber tichhuak

Mizoram Synod Choir 2020-22 chuan an music video hmasa ber 'Lalpa chu a rinawm' tih chu nizan khan Synod Conference Centre-a Choir Cabin-ah Central KṬP assistant leader Rorelkima'n Pathian hnenah hlànin a tlangzarh.

'Lalpa chu a rinawm' tih hla hi Josh Jordan hla, 'God is faithful' a ni a, Synod Choir conductor T Laldintluanga lehlin a ni. Music video hi RDS Shot kutchhuak a ni a, music chu Kima Chhangte kuthnu a ni thung a, Kings & Prophets-ah hla record a ni. Video hi CKṬP YouTube channel-ah dah nghal a ni bawk. Mizoram Synod Choir hi term thar a ni a, hripui léng vangin hla zir a buaithlak hle. A part mal mala zir cháng te, inzir chhâwk chángte neiin, music video an buatsaih a ni.