The Police bandmate hluiten Sting an khing

English musician, activist leh actor Sting chu The Police-a a bandmate hlui pahnih, guitarist Andy Summers leh drummer Stewart Copeland-te chuan an band hla 'Roxanne' leh 'Every Breath You Take' ah an hlawh tur aia tlem peah puhin an khing.

He hla pahnih phuahtu zingah an hming tarlan ni lo mah se kum 1977 khan ṭawngkamin inremna an siam tih an sawi a, hemi hnu hian ziaka contract siam leh a ni. The Police hla hit zawng zawng hi Sting phuah a ni a, a bandmate-te phu tawk ang hlawh pek loh chungchang chu thu dik lo a ni tih sawiin, court document-ah pawh a ukil chuan thu belhchian dawl lo tiin a tarlang.

The Police hi kum 1977 khan din niin, UK-a band hlawhtling ber pawl an ni. Kum 1983 khan an album pangana aṭanga an single 'Every Breath You Take' chu US-ah No 1 a ni pha a ni. Hemi hnu hian most-played radio song of all time-ah thlan a ni bawk. Kum 1984-ah an band hi an kehdarh a ni.