Jeff Jarrett chhungkaw tan Taylor Swift-i'n concert nei

WWE Hall of Fame wrestler Jeff Jarrett chuan a nupui hnute cancer veiin a thihsan hma khan Grammy award vawi 14 lo dawng tawh, Taylor Swift chuan darkar thum chhung an chhungkua leh ṭhianṭhate tan private concert a neih sak tih tun hnaia TMZ Sports-in an kawmnaah a sawi.

Jarrett chuan hei hi kum 2006 Krismas lai a nih thu sawiin, Taylor Swift hi Jarrett-te khua Hendersonville, Tenn-ah pemin, kum naupangte a nih laiin concert hi a neih sak tih a sawi. Jarrett chuan private concert neih aṭanga thla nga hnuah a nupuiin a thihsan thu a sawi bawk. Swift hian mi 45 vel hmaah concert hi neiin, Jarrett chuan ni chhinchhiah reng tlak a nih thu a sawi tel bawk.