Zofate insuihkhawmna MV leh ZGN YouTube channel tlangzarh

Zofate insuihkhawmna hla, Rosangliana (Zo Rock) phuah leh sak "Luang hum hum" music video leh Zofa Global Network (ZGN) Youtube channel chu nimin khan agriculture minister PC Vanlalruata'n a office chamber-ah a tlangzarh.

Minister chuan Zofa Global Network hmalaknaa Zofate tana mi hlu, Rosangliana (Zo Rock)-in Zofate insuihkhawmna hla thar a chhawp chhuak chu lawmawm a tih thu leh, thu leh hla hmanga hnam insuihkhawmna lama sulhnu nei ṭhate an hlut thu a sawi. Zofate insuihkhawmna tur atana Zofa Global network Youtube Channel siam chu Zofate suihkhawmtu a nih a beisei tih a sawi bawk.

Tlangzarh inkhawm hi ZGN president Lalrambuatsaiha'n a kaihruai a; KL Vanlalruali, ZGN central committe member in hunserh hmangin James Ramdinmawia, general secretary, ZGN chuan music video leh Youtube Channel thlirlawkna a nei. ZGN vice president pahnih, C. Dinthanga leh Lalbuta ten thu sawiin "Luang hum hum" phuahtu leh satu ni bawk, Rosangliana (Zo Rock), chu central committee member in lawmthu a hrilh.