'Call of Duty' movie siam dawn

Paramount chuan Microsoft enkawl video game publisher Activision nen inremna siamin, 'Call of Duty' movie an siam dawn. An thawh dunna hnuaiah hian Paramount chuan he film siam leh pek chhuah a buaipui vek dawn a ni. An inremsiamna hlut zawng erawh puan a ni lo a, a film kalhmang tur pawh an la sawi lo.

Kum eng emaw chen Hollywood-ah hian video game adaptation siam kawngah hlawkna an hmuh tawh loh hnuah, tun hnaiah'Mortal Kombat', 'Super Mario Bros.' leh 'A Minecraft Movie' te chu an hlawhtling hle thung. 'Call of Duty' pawh hi a hlawhtling hle tura beisei a ni a, a video game franchise pawh khawvel pumah copy mtd 500 hralh tawh a ni a, kum 2022 khan USD tld 30 a la lut tawh bawk a ni.