CS2 tourney-in London tan hlawkna GBP tld 30 thlen thei dawn

Esport huanga games ngaihhlut hlawh CS2 BLAST Open London 2025, September 5-7 chhunga OVO Arena Wembley, London-a neih tur chuan London huamchhungah economy tan hlawkna GBP tld 30 hu a thlen thei dawn tih London Mayor Sadiq Khan chuan a sawi. BLAST Open winner hian USD tld 1 lawmman an dawng dawn a ni.

Tourney hi BLAST-in inelna hrang hrang UK-a a huaihawt zinga pakhat niin, nikum khan BLAST Premier Spring Final, Wembley Arena-ah hian a lo huaihawt tawh bawk. Counter Strike bakah Rocket League, Call of Duty leh League of Legends World Championship Final chu London-ah hian huaihawt a lo ni tawh a, heng aṭang hian London chuan GBP ltd 12 zet a hai lut phah a ni.

BLAST Open London 2025 ah hian USD mtd 1 inchuhin team rukin inelna an hmachhawn dawn a, pawisa fai bakah StarLadder Budapest Major, kumin November-a neih tur atana pawimawh Valve Regional Standings (VRS) point an nei tel dawn bawk.