BTS "Dynamite" in YouTube-ah 2 billion view nei tling ta

BTS 'Dynamite' music video chuan YouTube-ah view tld 2 a nei tling a, K-pop boy group zingah YouTube-a music view 2 billion view nei thei hmasa ber an ni ta.

'Dynamite' MV hian September 4-a KST zing dar 9:16-ah view tld 2 hi a nei a ni. Heti zat view hi MV an tihchhuah aṭanga kum 5, ni 13 leh darkar 20 naah an nei thei a ni. BTS member-te hi mandatory military service an zo fel tawh a, sipaite an ṭan avangin hun eng emaw chen band anga thawm an neih loh hnuah, nakkum March thlaah an comeback album tihchhuah an tum a, an inbuatsaih mek.

BTS comeback tur hi khawvel huap pop music huanga comeback tur ngaihven hlawh ber zingah a tel a ni. An lo tihdan ṭhin angin full album tihchhuah hmain single eng emaw ber chu an tihchhuah beisei a ni bawk. Band member-te hi kar hnih chhung Los Angeles-ah awmin, an hla thar turte an buaipui nia sawi a ni.