Instagram-in feature thar duang

Meta enkawl thlalak leh short video sharing social networking service, Instagram chuan user-te tan an app tihchangtlun tumin hma a la chhunzawm zel a, an hmalakna thar berah chuan Reels-ah Picture-in-Picture (PiP) feature siam a ni dawn.

PiP feature hmang hian Instagram reel-te chu app dang hman pahin a en theih tawh dawn a ni. Hman theih a nih hunah chuan Instagram app minimise a nih hnuah pawh video-te chu a en reng theih tawh ang. Tun dinhmunah user thlan bikte chuan pop-up message, 'Try Picture in Picture' tih an dawng tawh a, hemi hmang hian reel-te chu window te zawkin an en thei tawh. PiP mode hi Instagram setting-ah enable emaw disable emaw theih tura duan a ni. He feature hi user tlemteah enchhin phawt a ni a, mi zawng zawng hman theih tura an chhawp chhuah thuai a beiseiawm. Instagram chief Mosseri chuan tun hnai khan PiP hman theih tura duan mek a ni tih a lo sawilang tawh a ni.