Italian designer Giorgio Armani a thi

Italian fashion designer lar, billionaire brand neitu, Giorgio Armani chu Ningani khan a chenna in Milan-ah kum 91 mi niin a thi. A thih thu hi a company, Armani Group chuan an puang a ni.

Giorgio Armani hi July 11, 1934-ah piangin, fashion industry-ah kum 20 a awm hnuah, Milan-ah kum 1975 khan Giorgio Armani S.p.A a din a, mipa leh hmeichhe thawmhnaw a design ṭhin. Kum 50 chuang chu Hollywood-a designer lar ber pawl niin, red carpet A-lister a nih bakah, film leh television-a costume designer-te pawhin an ruai nasa ṭhin hle. Red carpet lamah Julia Roberts, Cate Blanchett, Lady Gaga, Leonardo DiCaprio, Eric Clapton, Steven Yeun, Angela Bassett, Allison Williams, Amy Adams, Jessica Chastain, Jodie Foster, Margot Robbie leh Julianne Moore-te chuan a thawmhnaw design an ha nasa hle. Armani hian Gaga thawmhnaw a design nasa in, chung zingah chuan Grammy awards vawi 64-na leh 2010-a a thawmhnaw hak pawh a tel.