Tame Impala album thar October-ah

Australian singer leh multi-instrumentalist Kevin Parker psychedelic music project, Tame Impala chuan a full length album pangana tur 'Deadbeat' chu October 17 hian a tlangzarh dawn tih a puang. Parker hian a album thar tur aṭang hian single pahnih 'End of Summer' leh 'Loser' te a lo tichhuak tawh bawk.

'Deadbeat' hi pre-order theih a ni tawh a, fans-te tan web-store exclusive vinyl color-variant pahnih lei theihna option a awm bawk. Variant hrang hrangah Urban Outfitters exclusive color vinyl leh Indie Record Store exclusive color vinyl a awm bawk a ni.

'Deadbeat' hi a chenna khua Fremantle-ah leh a studio, Wave House, Injidup, Western Australia-ah kumin kumtir lam khan recording tih a ni. Tame Impala full length album hnuhnung ber, 'The Slow Rush' kha kum 2020-ah tlangzarh niin, Billboard 200-ah No.3 a nihpui thei a, chu mai bakah Vinyl Albums chart-ah No.1 a ni bawk.