DC Extended Universe Hma hun hriat thiam a har

Comic behchhana siam film universe lian pahnih hmalam hun eng emaw chen chu a thlir lawk theih ṭhin a, Marvel Cinematic Universe lamin an hma hun fel taka an ruahman laiin DC Entended Universe lam erawh an chhungkaw chhungah buaina neuh neuh a awm ṭhin avangin an hmalam hun tur hriat thiam a har viau mai. 

Wonder Woman 1984 tlangzarh a nih hnu lawkah New York Post lamin DC Boss-te tana hriat nuam lo tak headline benglut tak mai an rawn siam a, Ray Fisher chu hmalam hun chiang lo ber zinga mi a ni leh bawk. Zack Snyder-a'n a project buaipui mek bak DCEU-ah hmachhawp a nei tawh rih lo tih a sawi a, Michael Keaton erawh Gotham fapa duat lai a rawn nih chhunzawm leh mai thei thung.