Zack Snyder kut chhuak kan hmuh chhunzawm tawh lo mai thei

ComicBook Debate-in an kawmnaah Zack Snyder chuan tuna a buaipui mek Justice League Snyder Cut hnu lamah hi chuan DCEU-ah ruahmanna dang a nei tawh lo tih a sawi. Zack Snyder chuan March 21-a a film buaipui mek an tlangzarh zawh hnu lamah chuan DC movie dang siam turin ruahmanna a nei tawh lo tih sawi mah se, thil theih loh tawp erawh a nih loh thu a sawi tel a, hei hi fan-te tana beiseina eng a ni dawn em tih erawh hriatthiam a har hle.

"Tuna ka hna thawh mek pawh hi a thleng ang tih ka ring ngai lo. Justice League hi ka zofel ang tih hi ka ring ngai lo," tia sawiin amaha rinna nghattu a fan-te chungah lawmthu a sawi a, "Ka chhunzawm zel dawn em? Ruahmanna engmah ka nei lo. Mahse ka sawi tawh ang khan, tunah pawh hian helai hmuna ka awm hi ka ring lo a, chuvang chuan tunge hmalam hun hria?" tiin a sawi chhunzawm. Justice League Snyder Cut hi episode pali angin tihchhuah a ni dawn a, kum 2017-a tihchhuah tawh khan Snyder hian a duh angin a chul mam leh a ni.