G-DRAGON leh KRAFTON thawk dun dawn

Video games publisher KRAFTON chuan Korean artist 'King of Pop' tiha hriat lar ni bawk G-DRAGON nen an game siam PUBG leh PUBG Mobile-ah an thawh dun tur thu an puang. Thawh dunna tur chungchang hi G-DRAGON Las Vegas concert-ah sawi rik ret ret a lo awm tawh a ni.

KRAFTON tarlan danin, an thawh dunna tur hi in-game content leh special event September 19 aṭanga ṭan theih tum a ni a, kimchang zawkin la tarlan tur niin an sawi bawk. G-DRAGON hi PUBG-in music artist an thawhpui thar ber tur a ni a, thla hmasa lamah khan virtual boy band PLAVE leh girl group aespa te nen PUBG Nations Cup (PNC) ah an lo thawk ho tawh bawk. Games huang ni lo, fan-te nena in thlunzawmna ṭha neihna tur hian K-Pop artist te chu games publisher lam hian an lo thawhpui fo tawh a ni. BABYMONSTER leh Blackpink pawh a lo thawhpu tawh.