CS2 BLAST Open London-ah 'G2' champion

European esports oraganization, esports huanga games hrang hranga team nei 'G2' chuan CS2 hmingin BLAST Open, September 5-7 chhunga inelna London-a neihah an champion. Grand Finale hi Pathianni khan khelh niin, G2 leh Vitality team-te chu best-of-five hmangin an intum a ni.

Final-ah hian map hrang hrang panga Dust 2, Mirage, Overpass, Inferno, leh final map turin Train-ahte an intum. G2 hian firepower an nei ṭha tluan deuh zak a, mid game-ah tlemin an talbuai deuh tih loh chu an khel ṭha hle. Grand finale-ah hian 3-2 in G2 hi an champion zui ta a ni. G2 team hian final khel tur hian team ṭha tak tak an su tlanga, Team Spirit, Finn ‘karrigan’ Andersen’s FaZe Clan, leh semifinal-ah FURIA-te chu an hneh vek thei a ni.